英國著名燈飾家具設計師Tom Dixon上月正式喺中環開店，地舖一入門口就見到好多充滿藝術感嘅燈飾，差點以為自己誤入gallery。更特別係，呢度上一層係一間咖啡店，咖啡店所用嘅餐具全部係Tom Dixon出品，加埋裝修設計，嘆咖啡這回事，除咗hea，仲好artistic。
Tom Dixon搵來拍檔經營一樓嘅咖啡店Nodi，Nodi約一年前喺遮打大廈開業至今，主要做外賣，喺Tom Dixon入面呢間就有堂坐。
兩間咖啡店嘅咖啡亦有分別，Tom Dixon呢間，咖啡豆來自一間倫敦烘焙商，選擇較多較playful，試咗一杯果味咖啡豆嘅flat white（40元），入口甘醇有餘韻，完全冇苦澀味。食完晏到此飲杯咖啡，會以為自己放假中。順帶一提，呢度所有燈飾都可以買走㗎。
