震驚珠海國際賽車場嘅「可愛導彈」又嚟喇！噚日喺中國GT珠海站嘅現場，比起上星期六熱鬧得多，除咗車迷外之外，車模數量亦有所增加。不過，遲遲都唔見早兩日介紹過嘅車模朱可，以為佢唔會現身啦，原來只係遲咗少少出場啫，仲要換咗套更加性感嘅衫，出到嚟喺架準備比賽嘅超級跑車旁邊播住音樂，佢個人就彈吓彈吓上下搖擺，明眼人都想知佢做乜啦！就係咁，引咗成班人走埋去影相。
雙性戀「求交往」
起一起朱可個底，其實唔難，原來佢喺中國已經有啲知名度，微博有成超過40萬「粉絲」（佢微博係「Flower朱可兒」）。相信不論男女，都有唔少人關心佢到底係咩「cup」數，佢喺微博就聲稱係「F」，信不信由你喇。原來佢喺1994年國慶日出世，家陣先得22歲，真係唔知食咩大。不過最爆嘅係，佢喺微博聲稱自己係雙性戀者，仲「求交往」㖭！不論男女，如果有興趣都可以試一試喎。