大摩馬房的「甜統」去年1月24日以3歲之齡服役第二戰已打開勝門，好像潛質甚高，但自此至今超過年半，屢戰亦未能再勝，可謂令人十分失望。
不過，「甜統」上仗蝕位亦跑得好，已減至目前42分新低，今仗匆匆再出，角逐周日(9日)第七場四班1600米，機會如何呢？
睇番「甜統」7月1日配潘明輝跑田草1200米，路程嫌短兼排14檔，起步後未能找到遮擋，全程獨自在四叠無遮擋下競跑，蝕了極多腳程之下，末段仍可追近跑第四算難得。相隔約一周匆匆報名再跑，原來翻查近三季，大摩共有九駒跑入前四名後隔一周匆出，勁取六勝兩位，僅一駒唔上名，「甜統」咁快又跑似有計，只負110磅，足以挑戰同場任何對手。