出戰周日（9日）第七場四班1600米的三歲馬「勇闖者」，一連三仗均得第二仍未開齋，蔡約翰認為牠末段拼搏時貫注力不足，今次破天荒為該駒初戴面箍（E1）出賽，目的是改善馬兒集中力，希望終點前衝線關鍵一刻，此駒唔會東張西望放慢腳步，做法無非力求出頭。
大家不可不知，蔡約翰從來唔會胡亂為戰駒加配備出賽，用得一定有原因，他自2001年來港開倉至今，原來一直沒有賽駒戴面箍上陣，「勇闖者」今期E1出賽，正是16年以來第一次，加上雷神莫雷拉肯再騎，亦明顯鬥志如虹。
睇番馬房今季首匹初戴鼻箍（S1）馬「首映」即勝，首匹初戴頭罩（H1）的「哈蝦巴爸」跑第二，首匹初戴交叉鼻箍（X1）的「紅運發財」都第四，今次「勇闖者」破天荒初戴面箍，目的只有一個，就是要擺脫二奶命。