外號「火車潘」的見習騎師潘明輝，上月14日於谷草四班1200米，策騎師傅賀賢的「盈華盛甲」後上擊敗「你知我意」，爆出27倍冷Win，是潘明輝從騎首場谷草頭馬。
「盈華盛甲」年僅三歲，至今只曾出賽四次，當然仍大有進步空間，此駒已報爭7月12日谷草煞科夜馬四班1200米，力爭連捷，可惜潘明輝早於6月18日騎「勝利仔」犯規，被罰7月9及12日停賽，因此「盈華盛甲」必須換人上陣。
對此賀賢亦早就作出安排，「盈華盛甲」上月底已轉交祈普敦過檔，而敦敦亦顯然非常重視這匹馬，連同今朝(8日)又再親操在內，「盈華盛甲」已三度由祈普敦在大圈考驗，無非希望將牠操到最Fit爭勝。此駒下季多數用番潘明輝，睇怕祈普敦只係一次性效力，所以今次敦敦唔砌盡就勢係假咯！