有樓收租相信係唔少人嘅夢想，不過，係揀租客上就要好小心，如果唔係，隨時可能好似已退休英格蘭中場林柏特咁。據英國《太陽報》報道，「林伯」將佢喺倫敦嘅價值200萬鎊豪宅租咗畀一名自己係健身教練嘅37歲女子達雲娜。點知，原來達雲娜係「另類健身教練」，佢嘅服務包括喺屋入面同客人玩SM，將客人綁起及鞭打佢哋，每小時收費400鎊，額外畀多100鎊，仲可以拍埋片㖭！達雲娜暗示，只要客人出得起錢，佢仲可以提供埋可卡因畀佢哋。據「林伯」嘅朋友話，39歲嘅「林伯」對事件並唔知情，家陣知道後，佢會立即處理喎。