【生存動力】
黎志偉的兒子今年剛好5歲零3個月（圖），太太懷孕7個月時，駕着電單車的他，在屯門公路遇上嚴重交通意外，當場昏迷，留醫3個月。死裏逃生，惟脊椎神經線卻嚴重受創，從此只能以輪椅代步。5年前見證兒子出世，是他極速康復的動力；5年後的今日，他積極籌備「配腳之旅」，爭取到國外安裝機械腳，期待企起身「抱起個仔」轉幾個圈，「呢樣嘢，係我一直欠佢嘅」。
300萬費用拒眾籌
運動員出身，意志力驚人，他自言手術後一星期已收拾心情，學生、朋友排隊來探望、五花八門的復康方法，他來者不拒。「我同佢哋講，set個更表，輪流嚟探，幫手抹身做吓嘢」。仍然主動又強勢，其實是不想待產的太太為他奔波。「頭半年其實都係死頂，你諗吓，我冧咗，我太太，佢嘅父母會點？」上網找復康資訊，努力適應輪椅生活，「活得好，係想多謝當初幫過我的人」。
他還希望回饋社會，遊走不同學校出席分享會，冀將生命影響生命。「掉咗大半獎牌，換回幾十張感謝狀」。就是破天荒的「配腳之旅」，他亦拒絕眾籌，「連同食宿及住院等醫療費用300萬港紙，希望靠自己賣書、搞講座和代言籌集經費，唔知得唔得，但未試過，你永遠唔知結果」。
黎志偉在香港攀岩界是個傳奇。17歲已由香港攀出世界，勇奪亞洲青少年攀登賽兩屆冠軍，成為首位贏得殊榮的華人，打破日韓選手壟斷局面。在世界攀石巡迴賽獲世界第八；2008年又以不足10秒之差，成為包山王，風頭一時無兩。如日方中卻於5年前遇上車禍，意外後兩年重返攀石場，甚至重返港隊做攀岩教練，不能親身示範，但就以豐富經驗承傳，翌年並獲選傑出青年。
■記者呂麗嬋