香港患腦退化症長者每年新症達1.8萬多宗，料2036年患者達28萬人，到時佔香港家庭總數百分之十。賽馬會慈善信託基金同高錕慈善基金再次捐助聖雅各福群會，展開為期3年嘅「賽馬會高錕腦伴同行流動車服務」，今次服務仲升級，加設故事咖啡室為照顧者提供一個輕鬆嘅環境傾訴心聲；另有周末主題身心靈體驗工作坊，加入藝術治療元素畀患者同照顧者得到適當支援和服務。
「腦伴無疆」噚日舉行啟動禮，聖雅各福群會副總幹事李玉芝話「腦」係取自「老」諧音，流動車會走訪全港，為腦退化症長者同照顧者提供無疆界服務。流動車嚟緊7月10至28日都有活動。