雷神莫雷拉早前輸掉1.2倍「巴基之星」，還因狂鞭這匹明星馬，遭罰款1萬元，惹來不少爭議。
不過，雷神始終非常多fans，呢點可從早前馬會公佈本屆「最受歡迎騎師」，截至6月25日公眾投票走勢中，雷神得票率佔74.8%，大幅拋離排第二只得6%的蔣嘉琦，可見雷神受歡迎程度。
作為馬迷偶像，雷神的動向自受到關注，但fans多數只能從新聞中得悉他的一點一滴，在fb搜尋「莫雷拉」三個字會有唔少page，但絕大部份非官方，唔知乜人製作，但原來雷神近日終於自行搞番個粉絲專頁「Joao Moreira-莫雷拉粉絲網頁@magicman888」，雷神親自同本報講，個page係佢自己製作，並謂由於冇乜人知，所以「like」嘅數目太少，想本報幫手推廣吓及支持（Need to Promot it and I need your support.Please）。
雷神粉絲專頁暫時內容唔多，但有個驚喜係雷神上載咗兩段廣東話自拍，一段係發佈於上月下旬，嗰排成日落雨，雷神就用廣東話講「又落雨喇！」。
另一段係今日（9日）上載，廣東話亦講得幾正：「大家好，我係莫雷拉，我係一位騎師，我愛HONG KONG，我愛你們。」
雷神在另一條講英文片段，沙冧話唔好意思，佢話自己廣東話麻麻哋，會致力改善，並謂嚟緊一個馬季（2017-18年度），對佢來說充滿挑戰。
展望未來，雷神表示會透過粉絲網頁同大家分享工作點滴，盡量回答大家提問，亦會上載一些照片與影片同大家分享。
莫雷拉粉絲網頁：
https://www.facebook.com/magicman888/