葉楚航馬房4歲馬「心慷慨」暫時8戰未開齋，但表現未算太差，取得2亞2季成績，上名率有一半，其實戰鬥力頗佳，演出亦算忠心。
「心慷慨」將角逐周日（9日）沙田第八場三班1200米泥地，未交代馬當然鬥志十足，今朝此駒亦有動靜，葉楚航一早已在烽火台守候，觀看此駒大圈出跳過程，仔細留意其走勢，其後葉楚航急步走到機坪，原來是等黃皓楠操完「心慷慨」返來，皓楠仔落馬後，第一時間向航哥作出匯報，兩人傾咗好耐才各自散去，非常緊張，可以話有晒搏殺手影。
「心慷慨」今戰初跑泥地，隨時帶來驚喜，一來此駒以往試泥閘走勢不錯，二來這匹美國馬的父親D’FUNNYBONE乃泥地中短途專家，六捷中包括五項泥地二級賽。
而母系家族亦普遍擅跑泥地，最著名莫過於99年美國三歲馬后「銀子彈日」，所以「心慷慨」早就應該跑泥地。