猶記得喺舊年夏天嘅歐國盃決賽，由成千上萬嘅飛蛾湧入侵球場，有一隻仲嘴咗葡萄牙嘅C朗一啖，場面好嚇人吓；估唔到喺舊日嘅溫布頓網賽亦同樣受昆蟲入侵，不過今次唔係飛蛾，而係飛蟻。以法國泰桑高鬥巴路利場波為例，觀眾都見到飛蟻滿天飛，泰桑高亦話：「飛蟻好細隻，數目又多，仲飛入我鼻同耳仔度㖭！」女球手亦慘呀，因為有啲飛蟻飛埋入佢哋嘅打底褲入面，其中英國干達鬥慧絲時就似乎係遇到咁嘅情形。
點解溫布頓突然多飛蟻，專家就話呢個係飛蟻交配嘅時節，加上呢幾日英國都好熱，所以飛蟻就出嚟「活動」囉！
俄羅斯年輕球員麥維迪夫星期三喺溫布頓網球賽打足五盤後輸畀比利時嘅比美文斯，比賽中多次對主裁判艾維絲（Mariana Alves）判決表示不滿嘅佢，賽後喺銀包拎出一啲硬幣掟向主裁判凳腳。事後麥維迪夫雖然話自己唔係影射主裁判收咗錢並且就自己嘅行為道歉，但據報道佢仍然有可能畀賽會同ATP重罰。
21歲嘅麥維迪夫喺裁判連串不利對佢嘅判決之後表現得好躁，第五盤尾段更疑似要求更換主裁判，佢嘅要求當然冇被接納，而喺佢以4:6、2:6、6:3、6:2同2:6輸畀比美文斯，佢將銀包入面嘅硬幣掟向主裁判凳腳，但佢及後解釋話自己當好沮喪，咁做係冇意思嘅。
麥維迪夫坦白咁話︰「我對賽果失望，喺一場重大勝利之後實在令人好沮喪，我一時激動做咗件壞事，我要為此道歉。」佢話自己好愚蠢，但事實並唔係咁樣︰「我只係執緊嘢然後見到個銀包，喺一時激動之一做咗蠢事。當時我已經準備離開球場，但事情已經發生咗，我甚至唔記得係乜嘢硬幣。」
