周日（6日）沙田七草三泥賽事，草地用B加2欄，此賽道後追馬一向唔蝕底。
睇番上季同期7月10日同一移欄嘅轉彎路程賽事，逾半頭馬在中段留守中後位置，其中「津津樂道」、「怪獸家長」及「隨心隨意」更單憑一條直路從尾叠後上反先對手勝出，故此靠後勁食糊馬千祈咪睇小。
今戰列陣馬中，第七場四班1600米之「駕喜」五次角逐田B加2欄勁取三冠一季一殿，憑較佳場地性能可爭勝。
另外，角逐第三場四班1400米的「武術冠軍」唯一上名正是跑B加2欄所得，降入四班即報跑強項，有力贏馬反彈。
至於三場泥地路程均為1200米，此程前置馬佔盡優勢，最近「大收成」、「盈利駿馬」及「龍城猛將」俱放頭或守好位建功，所以出戰第四場「有禮」、六場「太陽旺旺」及八場「香江穩勝」等擅跑泥地之快馬可優先留意。