民建聯立法會議員葛珮帆噚日質詢保安局，點樣加強執法打擊假結婚，以免年輕人為搵快錢而誤墮法網，葛博士嘅黨友柯創盛碩士乘勢追擊，質疑保安局未有用盡方法向青年宣傳假結婚嘅危害。保安局局長李家超話入境處十分關注假結婚嘅情況，過去10年成功檢控1,648宗個案，會繼續加強打擊。
民主黨林卓廷就對兩位議員嘅意見大為認同，仲話「全力支持」一齊打假，佢個fb專頁仲專登貼出海報讚揚葛珮帆係「打假博士」，仲有口號「假蛋假波假結婚假學歷 橫掃一切弄虛作假」。
點解聽落說話好似有骨？梗係啦，葛珮帆同柯創盛嘅學歷都受到質疑，阿廷係咪抽水亦相當明顯。