徐雨石馬房5歲馬「閃耀駿駒」已報周日(9日)三班1200米泥地列正選，此駒兩戰泥地全勝未輸過，前仗跑谷草1000米亦得亞軍，可見近況仍甚佳，不過牠這天卻遇上重大挫折。
「閃耀駿駒」今日(4日)作賽前重要備戰，由黃皓楠試沙田第一組1200米泥閘，沿途守第五位，最終亦第五名過終點，無甚走勢。最慘是「閃耀駿駒」出試後被發現有問題流鼻血，所以將依例退出周日賽事。該場後備馬，文家良馬房之「電子群英」可以補上作戰。
「閃耀駿駒」去年2月已試過試閘後兩個鼻孔流血，到去年11月6日落第跑第10名後，賽後檢查亦發現氣管內有大量血液。到今日試閘又出事，前途頓時亮起紅燈。