超級英雄強勢現身尖沙嘴，海港城海運大廈露天廣場將展出「Marvel夏日超級英雄」大型主題佈置，包括全球首本限定版Marvel漫畫《Iron Man Experience: Hong Kong Heroes #1》嘅巨型立體書，以及6個放大版漫畫，可以慢慢打書釘。
市民亦可以同1：1鐵甲奇俠人像模型合照，或到海運大廈地下中庭嘅超級英雄訓練站，同雷神、蜘蛛俠、奇異博士、鐵甲奇俠及美國隊長5個超級英雄拍照及互動。
咁啱噚日7月4日係美國獨立日，數百粉絲特別與美國隊長慶祝「生日」。展覽由海港城與迪士尼樂園合辦，即日至7月30日舉行。