過了Holy Xi習大帝南來巡視，全城肅清，只見紅旗的這一關後，香港的本土語言，必然回不了頭，有些警句，字字上心，很難翻譯。像外國朋友問，警察對示威者晒冷那句「信唔信我掹槍」是什麼意思。掹定唔掹？點講好呢，重點係，掹槍前，問信唔信？這個，我信了，世界真係向北扭曲了，政府洗腦，有槍唔掹，等於有票唔要，蠢到上心口咁解。有槍，掹到最盡，警隊被擺到上最紅枱面，被狼英捧上天，被狼英接班人林鄭再捧為文明之師，以後，掹槍根本等於吃飯拉屎，警隊文化，比大大聲三萬多個夥計一齊叫「D你老母」更順口、超就手。
外國朋友聽了，滿腹疑團，追問圍住鬼佬傳媒同樣大罵那句「D你老母」的，也是警隊便衣嗎？這個，難答。外國人聽得明的「金句」，排頭位的就是D字頭這句，警隊D口吻，跟街頭暴喝記者那些大叔又真係幾夾嘴形。二十年大關跨過，往後的日子，黑白道由西環調動，協調借力，互相包庇，關係河蟹，外交部貶中英聯合聲明為廢紙，擺明已經自視為環球一哥，罩晒班手足，冇有怕！外國朋友打算留港搵食，叫我教他分辨兵賊。踢示威者下體的咪係警察囉，OK？