阿根廷球王美斯舉行咗婚禮已經好幾日，不過，仲有相關嘅新聞流出，今次主角輪到美斯嘅巴塞隆拿隊友碧基。話說碧基因為出席今次婚禮而唔見咗10幾萬港紙。不過唔好誤會，碧基唔係攞呢啲錢去買大禮送畀美斯，而係當佢準備同另一半Shakira出席美斯嘅婚禮前，碧基去婚禮場地隔籬嘅賭場賭番幾手，結果輸咗成15,000美金（約11.7萬港元）囉！