【本報訊】立法會周三大會一般晚上8時完會，但梁君彥上場後很多時提早「放學」。梁自言並非有飯局要提前完會，但知道不少議員、尤其直選議員晚上仍要落區或須出席活動，故若認定當日議程不可在8點前完成，索性提前結束。問及會否變成恒常做法，將會議提前到7點完結時，他指要諮詢議員，「等時機成熟先諮詢，否則返嚟個個都話NO」。
若獲議員邀請願入群組
立會主席由早到晚主持會議，但梁君彥在主席台上坐最耐一次並非這個會期，而是上屆會期中，時任主席曾鈺成某次病到不能主持會議、內會副主席湯家驊又不在，結果當時任內會主席的他要坐足全程。
長時間主持會議，加上議員發言冗長，確有催眠作用，梁君彥笑言：「（坐得耐）都唔辛苦嘅，如果同事辯論精采啲會容易啲……抗眼瞓好簡單，第一係唔可以食飽；第二入去（會議廳）飲杯double espresso（雙倍特濃咖啡），再眼瞓、覺得好悶就搣自己大髀，搣到瘀晒為止囉。」
公眾期望立法會主席公正主持會議，前主席曾鈺成被揭政改時在建制派WhatsApp群組扮演軍師，教路對付泛民。梁坦言只要議員邀請，他也願意加入手機通訊群組，但盡量少發言，更不會下指示，「議員有乜諗法都畀個通知我啦，好似突襲都畀我知吖」。
■記者陳雪玲