【本報訊】有業主誤將物業租給不法之徒用作毒品飯堂惹麻煩，大律師指出，警方近年嚴厲打擊毒品集團，若發現業主容許物業被用作販毒用途，單位除了會被查封外，業主亦可能要面對刑責，最高可罰款500萬元及入獄15年。香港業主會提醒業主要了解租客背景，如工作、職業等。
陸偉雄稱︰「業主出租單位，或者租客租咗單位轉畀朋友住，佢哋有責任確保單位唔會被用作毒品飯堂或儲存毒品。」業主若稱不知情，「在法律上只係抗辯理由；但若人人都話不知情，法官信不信就不得而知」。
宜向租客索入息證明
香港業主會會長佘慶雲則指︰「好多業主犯一個毛病，就係對租客唔了解，對方講做生意就信做生意，乜嘢生意？做咗幾耐？乜行業？完全唔知。」而對毒販找人出面代租單位，他認為業主更要自保，如了解租客背景，必要時索取入息證明，即使對方報稱做生意亦可能有詐，因為隨時可自行印製，「得個人名，公司地址、大廈名全錯的太空卡片」，業主需問清楚。
■記者郭美華