上周爆發細價股股災，多達20隻股份暴跌30%至90%，市值共蒸發逾480億元，震撼股壇，很多人估計是因為有莊家「爆煲」，要沽貨離場，從而牽一髮而動全身，產生雪崩效應，但到底誰人「開第一槍」？友人跟密西比說，事件第一槍不是來自當日第一個沽貨的人（或機構），而是一份個多月前公告。
友人說：「5月嗰陣有間公司出咗份公告，話一筆原本借畀財務公司嘅過億貸款，都係決定唔借，其中已俾嗰間財務公司提走咗嘅8000萬，就會喺9個月內攞返咁話，決定咗唔再借出去嘅錢，就會改用途，改為發展現有業務。」
公司更改資金用途，很平常吧？友人搖搖頭說：「單睇公告當然好正常，但你睇埋佢借畀邊個，睇埋公司嘅網絡，再睇埋爆發細價股股災嗰日邊個主力掟貨，你就明白到底發生緊乜嘢事……一句到尾，有人唔知因為乜嘢原因，唔再揼錢落個網絡度，個網絡無錢再運作唔到落去，有人要沽貨填數，結果出現大跌人踩人囉。」
事件就此完結？友人聳聳肩笑說：「你問吓證監啦不如。」
密西比
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk