香港特首由689換成777嘅第二日，林鄭馬不停蹄四出活動，剛卸任嘅CY終於清閒啲，噚朝出席完中國外交部駐港特派員公署搞嘅慶回歸活動後，同太太一齊去前任特首辦公室，至中午12時半就同埋兩個女齊昕同頌昕，坐車去香港會開餐。
趕買蚊怕水及止痕膏
久未露面嘅齊昕戴眼鏡，著黑衫黑褲，身形脹爆，但精神相當唔錯。CY座駕其後駛至中環ifc，梁太同頌昕落車到city'super買果汁同食物，之後CY嘅座駕就駛至灣仔福臨門門口，佢同保鑣突然落車，匆匆橫過莊士敦道跨過電車路，走到對面一間藥房，唔通有乜病痛？似乎唔係，因為佢係買蚊怕水同止痕藥膏，其後匆匆返回車上，去返ifc接太太同細女一齊返回山頂裕熙園獨立屋。唔知係咪CY住慣禮賓府，重返舊屋發現蚊患嚴重未及處理呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk