沙田馬場噚日舉行香港共慶回歸賽馬日，馬會仲特別邀請多名傑出運動員出席，包括「四眼cue后」吳安儀、乒乓球手黃鎮廷、「美人魚」歐鎧淳、「跳高女神」楊文蔚（圖）、花劍世青冠軍張家朗，同埋「牛丸」陳婉婷等，到馬場同馬迷互動，兼玩有獎問答遊戲。當運動員出場嗰陣，馬迷都報以熱烈掌聲，而佢哋亦好親民，當馬迷答對題目，仲同馬迷合照，與民同樂。