巴西球星朗拿甸奴向來畀人感覺係一個Playboy，不過嚟自秘魯嘅《Playboy》女郎Ania Gadea就為「細哨」平反，佢話自己喺舊年一次晚飯中睇到呢位前巴塞隆拿球星秘密嘅一面，佢話對方好謙遜，亦唔應將佢標籤為好色之徒。
Ania Gadea因為經常喺個人Instagram上載自己嘅性感火辣相而喺網絡上好紅，舊年11月佢po咗張同「細哨」嘅合照之後更加火紅，而Ania Gadea最近喺訪問中承認，佢的確同2005年金球獎得主朗拿甸奴曾經食過飯。
37歲嘅朗拿甸奴自從離開富明尼斯之後仲搵緊新球會，雖然佢多年來都被認為係playboy，但Ania Gadea就話事實並唔係咁樣︰「我哋係食過晚飯，我唔想講。佢係一個好善良同好溫和嘅人，唔係好似對其他人咁樣。佢好靜，但我唔想講佢咁多。」
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk