前世界桌球冠軍、47歲北愛爾蘭球星杜靴迪（圖），噚日應好友陳偉明邀請到東亞桌球中心同球迷切磋，順道為周一喺無錫嘅世界盃隊際賽熱身。已有10年冇嚟香港嘅佢仲話，10年前喺香港同「四眼cue后」吳安儀打過波，嗰時已覺得佢有天份：「我贏過一次世錦賽，但安儀贏過兩次世界冠軍，仲叻過我！」鍾意食點心嘅杜靴迪仲力撐香港將來搞世界排名賽㖭。