香港U22足球代表隊（圖）出戰緬甸KBZ銀行盃，前日以1:2不敵主隊緬甸U22，今日四點半踢最後一場，對同樣連敗嘅柬埔寨U22。雖然港足又輸，但教練金判坤話球員展示出戰意，整體發揮比第一場好，可惜把握力較差，而最後一場會以贏波為目標。柬埔寨U22位巴西教練維多連奴賽前透露，佢哋其實選咗啲18、9歲球員入隊，經驗可能差啲。