今年初黎姿旗下嘅醫學美容公司喺創業板掛牌，出席上市儀式時宣佈已經改咗名做黎珈而，佢話呢個名有家玉如意，價值連城吉祥嘅意思。但相信對於黎姿嚟講，價值連城應該係三個寶貝女，佢昨日喺微博貼咗一張豬嘅寫實畫，仲留言「其實我最鍾意粉紅色的小豬豬！我屋企就有三隻！」講到明話係錫晒三個千金。