特首林鄭月娥老公林兆波，今日就正式成為香港第一先生，噚日佢陪林鄭出席歡迎習近平晚宴後，竟然俾記者野生捕獲！林生對記者好nice，佢話同習近平晚宴氣氛很好，雙方有握手，習仲鼓勵林鄭為香港努力，林生話都有鼓勵太太，「努力啦，為香港市民做事啦」。
咁佢未來5年又有乜計劃？佢話會做林鄭其背後男人，但唔會做公職，留係香港讀書，目標學習拉丁文，又話暫時唔去旅行住，因太太好忙，冇佢一齊去冇乜趣味！至於今日有7.1遊行，會否影響林鄭？林生話要睇吓人數幾多，但佢補充話，遊行喺香港係好平常嘅事嚟啫，市民有乜意見政府可以聽，之後林生就話要同仔仔準備今日參加特首宣誓過程，臨走仲拍一拍記者膊頭，笑笑口話俾記者捕獲㖭！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk