國家主席習近平噚日中午同夫人彭麗媛坐專機抵港，少不免都有唔少愛國市民獲安排在場揮旗迎接。除咗一批嚟自東涌天主教及東涌黃楚標小學嘅小紅帽學生，亦有另外幾十位「巿民」，有幸見證習大大同夫人大駕光臨。
習大大落機後亦一如以往，同在場接機「市民」握手，其中一位長髮少女化晒妝好搶鏡，全程表現雀躍，仲同習大大握到手，到底佢係邊個？睇真啲，原來係章詠欣，即係曾經為林鄭月娥助選嘅港大學生會國事學會第45屆幹事會主席，出名到連之前央視嘅慶回歸特輯都有訪問佢。
而現場揮旗「市民」其後拉開一幅寫住「香港青年動力協會」嘅橫額影相留念，呢個會嘅贊助人就係梁振英嘞，咁就唔奇怪，點解佢哋可以獲邀咯！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk