唔少連鎖快餐店請代言人做生招牌（又或者想洗底），例如大家樂（341）曾經聘請黃子華賣廣告，一洗「地獄更表」形象，大快活（052）亦有藝人杜汶澤做代言人，「貴價茶記」翠華（1314）多年來唔興呢套，但最近都玩埋一份，請來「男神」張繼聰做代言人。
翠華搵張繼聰做代言人，為期一年，翠華嘅餐牌、facebook專頁等，都已經換咗佢拎住碗72蚊嘅「馬來咖哩牛腩飯」。不過，唔知點解，佢呢身造型，成個feel有啲似太興搵「Iron Man」Eric Kwok（郭偉亮）影嗰張廣告相，分別係，Eric Kwok拎住冰鎮奶茶，張繼聰就捧住碟飯囉。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk