嘩，習大大嘅夫人彭麗媛，衣着品味一向都獲唔少好評，相反香港特區嘅第一夫人梁唐青儀呢……過往喺衣着方面嘅代表作，當然係一襲盡顯霸氣嘅「龍蝦裝」，估唔到佢今次陪住習夫人打造形象工程時，都洗唔甩嗰陣「龍蝦味」。
話說佢朝早與梁振英到機場迎接習大大同夫人時，穿上黑上衣同綠色裙，打扮沉實低調，換言之即係唔多起眼啦，可能費事俾人話一出鏡就搶習夫人風頭。但到咗下午，佢陪住習夫人到訪幼稚園，就開始回復本「色」，即係最能凸顯佢個人色彩嘅橙紅色上衣，當時嘅笑容都好似燦爛啲。有口痕友話由綠變橙，係咪就係龍蝦熟咗嘅過程？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk