習大大同夫人來港，港島區湧現一片「紅」潮，大熱天時呆企揮動旗仔嘅啦啦隊隨處可見，灣仔一帶守衞森嚴，皆因佢哋呢兩晚喺灣仔落腳。
早喺習大大訪港前夕，灣仔君悅酒店同萬麗海景酒店已顯示，噚日起至7月1日嘅房間已經fully booked，明顯習大大同隨團人士不外乎住呢兩間酒店，而君悅外面喺習大大到訪前夕掛晒歡迎佢訪港嘅banner，似乎好有機會入住，結果朝早卻係萬麗海景鋪晒紅地毯，似乎最終決定行Plan B。
翻查以往領導人來港，例如前主席胡錦濤同人大委員長張德江等，都係下榻超五星級嘅君悅，今次習大大揀咗五星級嘅萬麗，據知都係安全考慮，有指嗰度可以喺有屋頂嘅環境下畀防彈車駛入，但就唔知萬麗嘅總統級套房有冇防彈窗嘞！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk