今次習大大來港，除咗因為特區回歸20周年，亦要為新班子主持宣誓儀式，候任特首林鄭月娥自然比7.1卸任嘅梁振英更受重視，所以習大大首站落區行程都係西九文化區，藉此力撐林鄭主理嘅baby。
紅運當頭加上慶回歸，林鄭噚日嘅衣着亦以紅色為主調，雖則有深淺色之分，但都係佢最常喺宴會中會着嘅旗袍。朝早接習大大機時，佢着上有深淺花紋圖案嘅粉紅旗袍（左），配以淺粉紅外套，烈日當空下當然係淺色舒服啲。
晏晝陪習大大去西九視察，返到嚟自己主場兼且有協議要簽，為咗隆重其事，林鄭換上一套桃紅色嘅旗袍（右），配以一對鮮紅色高踭鞋，繼續配搭粉紅色外套，明顯佢對旗袍確實情有獨鍾。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk