主席習近平昨日抵港，會見換班在即的新舊特首林鄭月娥和梁振英。
梁振英和梁太梁唐青儀搶先上機問侯習大大，梁太明顯悉心重手打扮過，全黑中式上衫配深綠色半截裙、黑色手袋及高跟鞋。鄧達智評梁太着得太嚴肅：「梁太的綠色裙幾特別，歐洲人好鍾意着綠裙，亞洲人着綠色有時撞膚色就無咁好睇。佢就差在上身係全黑色，咁熱天氣，好辛苦，加埋前胸和領位都好緊、好實，無必要着到好似冬天咁囉。」
即將上任的林鄭，則表現中上，她着了印花旗袍，外配粉紅色cardigan及Salvatore Ferragamo高跟鞋，鄧達智表示「顏色揀得好，係靚的，個粉紅色，但在呢個場合，無必要着旗袍，反以用番同一色系，着簡單的套裝會更夾。」