國家主席習近平訪港，香港保安去到恐襲級別咁，封路塞車處處。不過，賣超豪華車嘅耀萊（970）副主席鄭浩江就讚習大大係好嘢，事關佢哋做奢侈品生意最怕波動，但習大大好可能喺今年十九大再連任，未來6年中國經濟會穩中有進，自然對公司有利。
耀萊賣開勞斯萊斯、林寶堅尼呢類靚車，下下上落一千幾百萬，習大大落力打貪，唔係應該好驚驚咩？
鄭浩江就解釋，喺中國做奢侈品生意，主要睇兩個指標，一係經濟增長，二係新股（IPO）市場。佢指，A股「IPO是批量製造億萬富翁的地方，只要IPO不停，可以一年生產幾千幾萬個富翁！」而股份一上市就PE（市盈率）幾十倍，造就咗好多富豪，「他們花起錢來就比較隨意」，變相幫到耀萊生意喇。明晒。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk