政制及內地事務局副局長陳岳鵬（Ronald）早前辭職，重返校園到美國哈佛大學甘迺迪學院修讀公共行政碩士課程。本月16日休假後，噚日即係28日正式離任，而佢已經喺校園上緊堂，facebook貼咗校園照，孭住背囊變番學生哥。
睇真啲佢嘅同學中，有位仁兄好面善，原來係做過曾俊華同陳茂波兩任財爺政務助理胡偉文（Raymond），乜呢位財爺前AA又離開咗熱廚房去讀書咩，點解會做咗Ronald嘅同學？其實特區政府每年都有一個名額畀政務官到海外進修，今年嘅名額就由Raymond奪得。
查實獲政府支持去海外進修嘅，通常都係明日之星，Raymond近年最為人熟悉係佢喺商經局任首席助理秘書長（工商）時，四出為當時審議中嘅競爭法解畫，估計學成歸來，仕途無限。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk