翠華（1314）冧巴諧音「一生一世」，可惜之前爆出股東不和，證明此情不再，噚日公司業績會上，有人問管理層，家陣點解讀一生一世。
主席李遠康都算有急才，指𠵱家公司目標好明確，之前股東不和，家陣「所有事都雨過天晴」，趁今年翠華創立50周年，佢要將獅子山下精神延續落去，發揮香港團隊精神，要多謝各位朋友支持云云。
CEO彭炯豪都唔遜色，短短個幾鐘業績會，多次強調今年口號係「經典味道，始終喺度，喺呢一度、喺香港、喺翠華」，起碼提咗3、4次，又不斷講到公司要有「獅子山下精神」等。
講到翠華贊助大台電視劇「溏心風暴3」，李老闆會否客串？佢就話要保持神秘感，賣關子。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk