天時暑熱，最啱食西瓜下火！嚟緊又係一年一度嘅本地西瓜節，6個農墟，有成6,000個瓜，仲有由台灣引入嘅新品種「新蘭」。其實新蘭幾似前幾年登場嘅泰國「玉蘭」，但玉蘭果肉係黃色，新蘭就偏深、橙橙哋，兩種都有天然色素，對眼睛好好。另外當然唔少得「黛安娜」，喺台灣引入，黃皮紅肉仲好多汁，仲有喺澳洲引入嘅西瓜展王牌「天然黑美人168」，又甜又皮薄！
漁護署農業主任陳益民博士話，4種西瓜每個都係約兩磅，每磅4、50蚊係貴咗啲，但全部都係有機，希望市民多多支持，要減價都唔係冇數講㗎。佢話呢幾年都係推廣小果型農作物，會繼續試種其他品種，例如迷你冬瓜。詳情可參閱 http://www.afcd.gov.hk/ 。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk