立法會噚日開大會，多名7.1卸任嘅局長最後一次以問責官員身份出席，頓成焦點，唔少建制議員就同食物及衞生局局長高永文握手道別，民望高不時抱拳回應，經民聯林健鋒等建制派議員仲請佢食散水餅，見佢食到舔舔脷。
問到有乜嘢唔捨得？民望高話係傳媒擺設嘅攝錄機，因為每次經過呢個「陣」，都好懾人；至於維持高民望有乜秘訣？佢就雙手合十求記者放他一馬。林健鋒話西餅只係餐前菜，會同民望高鋸牛扒正式道別。
另一位最後一次出席立法會大會嘅財經事務及庫務局局長陳家強，會前亦向記者笑稱：「最唔捨得你哋。」原來佢近日開設咗個人facebook，賬戶上載咗多幅惜別宴嘅相片。同樣唔留任嘅保安局局長黎棟國被問到有何不捨時，只係微笑冇回應。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk