帶部Nintendo Switch出街隨時同朋友鍊兩轉「孖寶賽車」確係爽，但玩得兩、三個鐘就會無電，聰明的商人當然睇到呢個商機，推出 Switch專用流動電源。
當然一般流動電源只要用番對應的USB Type-A轉Type-C充電線，都一樣可以為Switch充電，但問題是Switch充電端子設在機底位置，充電時就唔可以棟直機身打機，但這款日本新出的Thanko Switch專用流動電源就唔同，電源本身已設有USB Type-C端子，可以將Switch直插到流動電源充電，而且電源兩旁都設有跟Switch紅藍配同色的支撐架，拉下後就可將流動電源當成Switch底座，充電的同時兼可同時打機。電量方面，這款Switch專用流動電源標明10,000mAh，大概可完全充滿Switch 1.5次，另外當然亦可用上USB Type-C及Type-A充電線為手機充電，以後帶一嚿電出街就夠。價錢3,580日圓（約$250），都算公道。
資料來源：Thanko
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily