人稱May姐嘅商台新聞及公共事務總監陳淑薇，同特首梁振英共同進退？講緊係佢喺7.1、即係CY卸任特首之日退休箒。但退休唔等於從此唔開咪，商台話May姐會轉任商台主席特別顧問，並繼續主持商業一台嘅時事節目《政經星期六》同《政好星期天》。至於佢嘅總監一職，就由現為副總監嘅黃永亨升呢接任。
May姐喺1977年浸會學院傳理系畢業後，加入商台新聞部做記者，1989年升任新聞及公共事務總監。2001年中大新聞學碩士畢業，董建華任特首時獲頒銅紫荊星章，現為香港新聞行政人員協會主席。商台話May姐一直為新聞部發展作出極大貢獻，對社會公共服務都貢獻良多，並讚揚佢在任商台40年間，以豐富專業經驗同廣博業界網絡，協助商台不斷成長。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk