習大大周四抵港同香港市民「㷫」住回歸。官方新華社就喺習大大來訪前喺facebook專頁上載「神曲」（ http://bit.ly/2tdPKdB ）軟銷中國對港擁有嘅主權。全長3分48秒嘅MV以動畫為主，更有女聲以普通話同廣東話唱歌兼夾rap，全程配以簡體字幕。
點樣可以憑歌展示中國對港有主權？片段開首係模擬課堂，片中老師話要迎接好大嘅考試，就係香港嘅一國兩制，繼而開始播歌，唱出國家畀香港嘅「大禮包」內，有行政管理、立法、獨立嘅司法同終審權，但外交同軍事，香港就冇「管理員權限」，「有事請呼叫中央政府吧」。
而MV播到1997年主權交接儀式時，女聲唱出「降下了屈辱，升起了主權，升起的是我的我的堂堂主權」，而洗腦歌詞主調係「紅底」，例如包括「紫荊花旗有着紅色的底」、「紅的底色來自五星紅旗」，「紅底」果然好巴閉！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk