市道唔好，人人都想慳得一蚊得一蚊。平時見唔少家庭主婦去百佳、屈臣氏都會用「易賞錢」儲分，噚日屈臣氏首席營運總監倪文玲（Malina）出席「易賞錢」十周年活動時就話，原來目前360萬名會員入面，有8成都係年齡超過35歲嘅顧客，上咗年紀嘅人果然最識精打細算。
為改善「易賞錢」計劃，Malina話，趁今年10周年換上新形象，不過就唔會主動幫客人換新卡，而係派幾張貼紙畀大家貼上舊卡上面，真慳家。佢又留意到年輕人唔鍾意拎卡，所以出咗個App，代替用卡，App入面大家仲可以share積分，幫助朋友慳埋一份。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk