雖然指尖陀螺衍生唔少安全問題，不過全球熱潮仍未減退，仲有人諗到新玩法！平時玩指尖陀螺就算轉得幾快、花式難度有幾高，都無一套客觀評分標準，有間名為BlueSpin的公司，即將在Indiegogo為他們開發的第一款藍牙指尖陀螺BlueSpin進行集資，賣點是可以記錄各項花巧數據。
BlueSpin上下部份用輕觸式設計，陀螺中間加入加速計（Accelerometer），可以將轉動速度資料經藍牙傳送到手機程式，亦可以記錄到單一手指控制或換手等花式，唔同花式有唔同評分。除可將分數上傳到排名榜，仲可以即時同附近的指尖陀螺高手隔空比試，不過這類小玩意熱潮話退就退，而且每個BlueSpin支持價要49美元，確實偏高，能否達成到廠方預計的20,000美元集資額，似乎有一定難度，如好彩順利成功集資的話，廠方話9月會派貨。
資料來源：Indiegogo
記者：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily