姚本輝馬房的「盈豐駿駒」可算是一匹失運忠心馬，上季4次跑第二，今季亦5次得亞軍，合共9度入Ｑ，近兩季仍未勝出，姚本輝梗唔服氣。而此駒對上一次贏馬，已數到前季即15年6月10日贏谷草一哩。
好在7歲愛爾蘭自購馬「盈豐駿駒」跑極不疲，近仗演出仍相當硬淨，本周三(28日)又再上陣，角逐第二場四班1650米，而姚本輝對此駒仍高度重視，今朝此駒內圈快踱作最終備戰之前，先在機坪熱身，期間姚本輝在旁吼到實，向鞍上人交代清楚操練指示，又仔細觀察馬兒四肢及神態，可謂有晒搏殺手影。
「盈豐駿駒」上仗12檔極差亦得亞軍，今仗再用「火車潘」潘明輝續爭谷草一哩，卻大幅移入6檔，且看能否相隔兩年，取得久違的勝利了。