藥油、中藥等畀人感覺係老一輩先用，雅各臣（2633）主席岑廣業噚日都話，留意到年輕人對呢類產品比較抗拒，所以嚟緊會搵一個網絡紅人（KOL）幫旗下保濟丸做網上Campaign，吸引年輕人用，仲透露呢位KOL係一個「女神」呀。
不過，家陣個個都可以係「女神」，究竟係邊個呢？岑廣業就賣關子，唔肯講。問到係咪搵運動員女神，例如最近人氣急升嘅「跳高女神」楊文蔚（Cecilia），或者「泳壇女神」歐鎧淳呢？佢就話，真係曾經有諗過，但由於時間倉卒，所以放棄。
副總裁劉志豪畀出貼士，指「呢位女神唔係來自TVB，就係ViuTV」。嘩，真係好大個貼士喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk