禮拜三（28日）谷草賽事乃季內最後一次用C加3跑道，睇番去年6月1日上季最後一次同地同欄賽事，除了兩場1800米長途由居中後上馬勝出外，其餘頭馬均由前置馬建功，當中「非凡者」及「喜多屋」俱一放到底。
另外，當日一檔馬包辦半數頭馬共取四Win，故此具前速之內檔馬仍要優先留意。
今戰列陣馬中，頭場五班2200米的「盛勢東方」（何良馬房）上仗正是於谷C加3欄搏失跑第二，等番同一移欄再跑，今仗抽得2檔，強配郭能下有力補中。
另外，出戰第二場四班1650米的「心中有善」（葉楚航馬房）跑谷C加3欄一次即勝，亦係全場唯一贏過此移欄之參戰馬，用見習生黃皓楠減磅放出可再贏。