近月冇乜聲氣嘅小米，原來一直籌備在港開設第二間小米之家，新店噚日開張大吉，選址銅鑼灣恒隆中心，樓面3,150平方呎，大過旺角嗰間成千呎，但一樣係樓上舖。
小米一直被人話佢好有蘋果影子，小米之家粵桂及海外區區域經理陳友智就解釋，其實今次銅鑼灣門店已經採用咗第三代設計，以簡約為主，又加入好多生活化產品，同Apple Store唔同。
現場所見，蘋果有班好出色嘅藍精靈（genius），小米就有班好醒目嘅「紅衫軍」，講緊嘅係小米之家班員工。陳友智話，新店約有20至25位員工，以在學大專生為主，其中兼職員工數目會較多，專門負責解答顧客疑難，時薪介乎48至55蚊，又唔錯喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk