禮賓府7.1後換新主人，唔知梁班子走佬後，大家會就最懷緬邊位護航大員？八方相信新聞統籌專員馮煒光一定上榜喎，因為有佢嘅地方就會有笑料，以後由AO為骨幹嘅林鄭班子，正路就悶蛋啲嘞喎！
自比「白宮發言人」嘅馮煒光都喺《頭條日報》專欄同大家道別，當然不忘搞下政治攻擊，竟然批評拉布「客觀上有利罪犯」，又要求全社會一齊聲討，點解？原來佢嘅「獨到」見解係，「反對派」不斷喺立法會尤其在財委會拉布，「令工人無工開，令房屋不能建，令警察職位不能設立，客觀上有利罪犯」，而熱心拉布議員最近到訪台灣同與台獨人士簽署聯盟協議，「究竟拉布是否『兩獨合流』拉香港後腿的卑劣手段，值得關注」。睇到呢度，大家會唔會覺得，梁班子早走早着？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk