【本報訊】自香港回歸以來，本港招標土地年期絕大部份均已經跨越2047年，而地價、新盤呎價屢創新高，有測量師指出，實際是反映地產商、業主對於自動續契的信心。
潘永祥說：「其實目前市場狀況，（地產商、業主）已經畀咗錢庫房，仲早咗好多年畀添。」他解釋，土地成交價格屢創新高，可以反映市場有信心毋須補地價，「從估價學角度，現時已經係另類補咗地價，而且可以自動續期，所以發展商先至咁高價買起塊地。」
他說：「如果你依家講到明，依家賣地，50年之後一定要補地價，即係2066年，發展商出價嘅時候就建基於個政策投地，肯定會畀低啲，因為市民買樓花、買樓唔會想畀貴咗。」
事實上，地契到期日與樓價關係似乎並不高。以藍籌屋苑太古城（2899年）及康怡花園（2059年）為例，兩屋苑地契到期日相隔逾800年，若果地契長短牽涉樓價高低，更早面臨續契問題的康怡花園呎價理應更低，不過事實上是該屋苑每呎實用面積平均呎價為1.39萬元，而太古城則約1.57萬元，有經紀指出，約2,000元價差，是地理位置、景觀、名氣問題，多於是土地年契問題。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk