密室開會，頭子面有憂色，指下周回歸大慶典搞得有點過度，「做到反效果，變成恐習！」
「由反恐襲變恐習？不就是陷領導人於不義嗎？」副手敲着桌面皺着八字眉，一對反白眼閃爍不安。
「肯定要有plan B，一軟一硬，一天一地，我方N手準備，不能一刀切，否則一鑊熟。」組中最饒舌的組員一開口，其他人和議贊成。
「九千警力照去馬，另外，派人扮演路邊乞丏，準備定五百蚊紙，有機會就請習夫人埋去塞錢。既然奶媽都咁做，習夫人無多無少，咁高咁大，應該行得通。這樣轉移視線，氣氛無咁一面倒恐習，我地隻鑊，無咁黑。」每個組員變晒蠢鼎，唔使動腦，無需表態，唔怕出糗，於是一齊say yes。
「特別匯報，唔少伙記鵝鵝聲，指愛國兵團招聘臨記撐場都有千六蚊包埋午餐還可以打機睡覺，極度不滿伙記OT錢太奀，唔排除當日會以便裝出更抗議，甚至過檔賺外快！」這位師兄保證伙記會做埋臥底，萬一出事，表露身份的暗號是以廣東話高呼「恐習你老母！」